دل کی اصلاح - سلسله اعمال القلوب

اللہ تعالیٰ کے نزدیک فضل و شرف کا معیار ظاہری افعال و اعمال نہیں بلکہ ایمان کے حقائق ہیں۔ اعمال کی فضیلت و برتری صاحب عمل کے دل کے اندر قائم دلیل و برہان کے تابع ہوتی ہے یہاں تک کہ دو عمل کرنے والے بظاہر ایک رتبہ دکھائی دیتے ہیں لیکن فضیلت و برتری اور وزن میں ان دونوں میں زمین و آسمان کا فرق ہوتا ہے۔

قلب کی اصلاح و تزکیہ اور اسے آفات سے پاک رکھنے اور فضائل و خوبیوں سے آراستہ کرنے کی ضرورت پر زور دینے والی چیزوں میں سے یہ بھی ہے کہ اللہ تعالیٰ نےاپنے بندوں سے اپنی نگاہ کا مرکز ان کے دلوں کو قرار دیا ہے۔ اس ضمن میں ماضی قریب کے جید عرب عالم دین شیخ محمد صالح المنجد نے ’سلسلہ اعمال القلوب‘ کے نام سے کتاب لکھی جس کا اردو ترجمہ ’دل کی اصلاح‘ اس وقت آپ کے سامنے ہے۔

اردو ترجمہ نہایت سلیس اور رواں ہے۔ کتاب کو متعدد عناوین میں تقسیم کرنے کے بعد دلوں کی صفائی پر نگارشات پیش کی گئی ہیں۔ ان عناوین میں اخلاص و للّٰہیت، توکل، محبت، خوف و خشیت، امید کی حقیقت، تقویٰ کی حقیقت، تسلیم و رضا، شکر گزاری، صبر و تحمل، ورع اور مشتبہات سے بچاؤ، غور و فکر اور نفس کا محاسبہ شامل ہیں۔

اس کتاب میں ہر عنوان کے تحت الگ سے مقدمہ قائم کیا گیا ہے اور ہر بحث کا مکمل تعارف کروانے کے بعد اصل موضوع سے بحث کی گئی ہے۔ انسان کی تمام تر کامیابی کا دارو مدار اسی پر ہے کہ دنیا میں وہ اپنی اصلاح کر لے اور اپنے آپ کو آخرت کےلیےتیار کر لے۔ اس ضمن میں یہ کتاب نہایت مددگار ثابت ہو گی۔

محترم فضیلۃ الشیخ صالح المنجد کو اللہ تعالیٰ نے رسوخ علم سے نوازا ہے۔ موصوف محترم منجھے ہوئے باوقار عالم اور عابد وزاہد شخص ہیں۔ ان کی تحریروں سے لاکھوں لوگ مستفید ہورہے ہیں۔

اس کتاب میں یہ مندرجہ ذیل بارہ رسالے شامل ہیں

الإخلاص
التوكل
المحبة
الخوف
الرجاء
التقوي
الرضاء
الشكر
الصبر
الورع
التفكر
المحاسبة

Details

عنوان الكتاب : دل کی اصلاح : سلسله اعمال القلوب
مصنف : محمد صالح المنجد
ترجمه : فضل الرحمن رحمانی ندوی
ناشر : مکتبہ الفرقان - مظفرگڑه
صفحات : 766
جلد کی تعداد : 1
جلدبندی : مجلّد
ایڈیشن : 1
وزن: 0.91 کلو

Title: Dil Ki Islaah : Silsilah A'amaal Al-Quloob
Author: Muhammad Saleh Al-Munajjid
Translator: Fadhl Rahmaan Rahmani Nadwi
Publisher: Maktabah Fuqran - Muzaffargarh
Language: Urdu
Pages: 766
Volumes: 1
Binding: Hardback
Edition:  1st
Weight: 0.91 kg