دفاع صحابہ و اہل بیت

صحابہ کرام رضی اللہ عنہم ناقلین شریعت ہیں اللہ تعالیٰ  نے  انہیں اپنے نبی  اکرم محمد ﷺ کی صحبت ورفاقت کے لیے منتخب فرمایا ۔ انبیاء کرام  کے بعد صحابہ کرام کی مقدس جماعت تمام مخلوق سے  افضل اور اعلیٰ ہے یہ عظمت اور فضیلت صرف صحابہ کرام کو ہی حاصل  ہے کہ اللہ  نے انہیں دنیا میں ہی مغفرت، جنت اور اپنی رضا کی ضمانت دی ہے بہت سی قرآنی آیات اور احادیث اس پر شاہد ہیں۔ اللہ اور رسول ﷺ کی شہادت اور تعدیل کے بعد کسی اور شہادت کی قطعاً کوئی ضرورت نہیں ۔ اور نہ ہی کسی بدبخت منکوس القلب کی ہرزہ سرائی ان کی شان کو کم کرسکتی ہے۔صحابہ کرام  سے محبت اور نبی کریم  ﷺ نے احادیث مبارکہ میں جوان کی افضلیت بیان کی ہے ان کو تسلیم کرنا ایمان کا حصہ ہے ۔ بصورت دیگر ایمان ناقص ہے۔ زیر نظر کتاب’’دفاع صحابہ واہل بیت رضی اللہ عنہم‘‘ قسم الدراسات والبحوث جمعیۃ آل واصحاب کی مرتب شدہ  عربی کتاب کا  اردو وترجمہ  ہے۔ اس کتاب میں بڑے حکیمانہ انداز اور ناصحانہ اسلوب کے ساتھ باطل پرستوں کے شبہات اور شکوک کا ازالہ کیا گیا ہے۔ یہ کتاب مجموعی اعتبار سے بڑی مفید اور اپنے مقصد کو جامع ہے